Monika Kryemadhi mori drejtimin e LSI-së që në momentin që bashkëshorti i saj, Ilir Meta, u vu në krye të Presidencës. Ajo deklaroi se nuk do ta pranonte postin e “Zonjës së Parë”, sepse donte të ishte e angazhuar plotësisht me LSI-në.
E pyetur sot për çështjen e kryeprokurorit të ri, nëse ishte koha që Ilir Meta të thërriste në një bashkëbisedim Bashën dhe Ramën, Monika i habiti të gjithë me përgjigjen e saj.
Ajo zbuloi se kishte 12 ditë që nuk shihej fare me bashkëshortin e saj për shkak të angazhimeve respektive që ata të dy kanë.
“Kam 12 ditë që s’e kam parë, të jem e sinqertë unë erdha në darkë, ai iku sot në mëngjes. Nuk më intereson se çfarë bën Presidenti i Republikës, mendoj që kjo është një sjellje e klasës politike që duhet të ndryshojë, duke filluar nga mazhoranca e para.
Kemi ftesën për bashkëpunim të Ramës për Bashën, për zgjedhjen e kryeprokurorit të përkohshëm. Nëse Rama e ka të sinqertë zbatimin e Reformës në Drejtësi, të ulemi të ndryshojmë nenin për shoqërinë civile në Kushtetutë, përderisa ajo nuk vjen me kandidatura”, tha Kryemadhi.
