Prej disa ditësh, mediat rozë po ziejnë nga lajmi i një ndarjeje të mundshme mes prezantueses Eva Murati dhe djalit të ish-kryeparlamentares Jozefina Topalli, Genar Topalli. Dyshimet për përfundimin e historisë 8-vjeçare të dashurisë lindën pasi Eva si rrallëherë nuk e uroi publikisht Genarin për ditëlindje dhe madje ka zhdukur nga Instagram-i të gjitha fotot me të. Vetë prezantuesja e mohoi një gjë të tillë në një prononcim për “Iconstyle.al” duke thënë:
“Është fake news nuk e kuptoj si kanë dalë në këtë përfundim!!
Më kanë mërzitur duke u përzier në jetën time private dhe tani që dua ta mbaj personale duhet medoemos të jem ndarë?? Shumë pakuptim!!!”
Por së fundmi, ka folur edhe vetë Genar Topalli.
“Unë jam thjesht një student dhe nuk përbëj lajm për mediat. Gjithsesi dje ka reaguar Eva dhe ka dhënë një përgjigje!”-është shprehur Topalli për “Panorama Plus”. Mirëpo, përgjigja e tij disi e vakët duket se nuk ka arritur ende të shuajë dyshimet për një ndarje të mundshme.
