Pas koncerteve në Zvicër, dhe atyre videove të papara ku bënte twerk në skenë (shiko këtu) Elvana Gjata nuk ndalet!
Këngëtarja shqiptare po përgatitet për projektin e radhës dhe sot ka dhënë sinjalin përmes disa pamjeve në Instagram.
Elvana duket shumë e kuruar për të qenë një e hënë e thjeshtë, ndaj mendimi i parë që na shkoi në mend, është se bukuroshja shqiptare po bëhet gati për një klip të ri.
Ajo me sa duket është duke xhiruar dhe që tani ka treguar aksesorin më të çuditshëm, që me siguri do ta kthejë në trend të verës.
Bëhet fjalë për një palë syze në formë flakësh, në ngjyrë të kuqe që e tregojnë mjaft chic këngëtaren.
Përmes një kërkimi të thjeshtë, “Iconstyle.al” zbuloi se syzet janë të markës “Planet i” e cila ka dalë në treg që prej 2015-s.
Këto syze uniseks, pra për femra dhe meshkuj, janë të mbushura me xixa dhe plot shkëlqim dhe kushtojnë rreth 100 dollarë.
Nuk e dimë nëse Elvana është frymëzuar nga Rihanna në foton e mëposhtme, por gjithsesi, ajo duket shumë cool me këtë look.
