Etiketat “Vaj ulliri i virgjër” në shishet që shiten në supermarket, janë parë gjithnjë me dyshim nga konsumatorët. Ndaj “Top Channel” ka vërtetuar se ata kanë të drejtë, pasi analizat tregojnë se asnjëra prej shisheve në treg, nuk është vaj ulliri por përzierje industriale.
“Në supermarketet e vendit tonë mora tre vaj ulliri: ekstra të virgjër. të virgjër dhe vaji ulliri më pas ato i dërgova pranë Institution të Sigurisë Ushqimore dhe Veterinarisë për analiza. Këto janë rezultatet e analizave dhe kërkojmë një interpretim nga ana juaj nëse ky vaj ulliri është sipas standardeve që kërkon ligji i vajit të ullirit për Shqipërinë”, është shprehur gazetarja e “Top Channel”.
Specialistja e ullirit dhe vajit të ullirit, Orladan Kyçuku shprehet se analizat tregojnë se shishet e vajit nuk i përkasin kategorive që paraqesin në etiketë, bazuar në treguesit fiziko-kimike dhe ata organo-shqisorë.
“Komuniteti Evropian për vlerën K232 ka një limit, i cili nuk duhet të jetë më shumë se 2.5 ndërkohë rezultatet tona kanë dalë 2.6 pra është mbi limit. E njëjta gjë vihet re edhe tek K 270 ku standardi e ka 0.25 ndërkohë që këtu ka dalë 0.75 pra është një vlerë shumë e lartë për të qenë në kategorinë e ekstra të virgjër.
Ju e keni marrë për vaj ulliri të virgjër përsëri ngelemi tek koeficenti i përthithjes së dritës i cili është me parametra që nuk i përkasin kësaj kategorie. I ka më të larta se sa duhet të jetë norma. Dhe treguesit organo shqisor nuk i ka brenda limiteve ky vaj nuk futet në kategorinë e vajit të virgjër.
Tani kalojmë tek vaji i tretë i cili është vaji i ullirit. Koeficenti i cili jep shumë herë vlera më të larta se sa është karakteristikë e vajit të ullirit. Prandaj të treja vajrat që ju keni analizuar nuk i përkasin kategorisë që ato janë të paraqitura në etiketën që ju keni marrë vajin”, tha Orladan Kyçuku, specialiste e ullirit dhe vajit të ullirit.
