Sezoni i pestë i “La Casa De Papel” po pritet me padurim nga fansat e serialit të famshëm, që theu rekord shikueshmërie në mbarë botën.
Lajmi i mirë është se s’do të duhet të presim edhe për shumë gjatë, pasi xhirimet për sezonin e pestë përfunduan. Kështu njofton në Twitter faqja zyrtare e Netflix.
“Cfarë nisi si bandë hajdutësh, përfundoi si familje. Përfunduan xhirimet e sezonit të pestë të “La casa de Papel. Një falenderim për të gjithë fansat që ishin pjesë e rezistencës. Mezi presim t’ju tregojmë si përfundon kjo histori.”- shkruhet në njoftim.
What started as a heist, ended as a family.
It’s a wrap on Part 5 of La Casa de Papel / Money Heist.
Thank you to all the fans for being part of La Resistencia! We can’t wait to show you how this story ends. pic.twitter.com/ey2TuEZENh
— Netflix (@netflix) May 14, 2021
Ndërkohë që të gjithë po presin të shikojnë ç’është përgatitur këtë herë, aktorët duket se po i japin lamtumirën serialit. Álvaro Morte, i cili në serial luan rolin e Profesorit, përmes një videoje ka falenderuar çdokënd për mbështetjen që i kanë dhënë në këto 5 sezone. Postimi i tij i ka prekur të gjithë fansat e serialit.
“Duke xhiruar për herë të fundit në setin e La Casa de Papel. Fjalët janë të pakta. Jam mirënjohës ndaj gjithkujt: fansave të parët sigurisht, dhe gjithë skuadrës së Vancouver dhe Netflix. Edhe ndaj teje, i dashur Profesor. Do më mungojë shumë koha e bukur që kam kaluar këtu. Faleminderit”, ka shkruar Alvaro në postim.
“La Casa de Papel 5” do të jetë një sezon me dhjetë episode dhe do të lançohet në tremujorin e fundit të vitit 2021, siç konfirmohet së fundmi nga Netflix.
