Në puntatën e sotme të “Për’puthen”, Samiu ka ikur sërish nga studioja.
Disa minuta më vonë ai rikthehet duke treguar se nuk ndihej mirë nga ana shëndetësore dhe ka pasur nevojë për ajër të pastër, ndërsa theksoi se energjia e krijuar më studio ndikoi edhe më shumë në përkeqësimin e gjendjes.
“U largova sepse nuk ndihesha mirë nga ana shëndetësore. Pata marrje mendsh, kisha nevojë për ajër të pastër. Energjia në studio ndikoi”, tha Samiu.
Më herët ai mori një surprizë romantike nga Efi, e cila e surprizoi me një video që përmbante momentet e tyre më të bukura dhe një dedikim në sfond.
“E di që nuk e prisje. Natyra ime e ftohtë dhe në dukje e pashpirt, siç më konsiderojnë disa, nuk të jep përshtypjen që do surprizojë një djalë. Por me ty është ndryshe. Në momentet për të ashpra ti ke qenë aty për mua. Je lapsi që ke vizatuar buzëqeshje në fytyrën time kur të tjerët kanë vizatuar zhgënjim. Jam e lumtur që të kam njohur. Faleminderit që më le të gëzojë praninë tënde, që më sheh dhe flet aq ëmbël. Faleminderit që ke bërë çdo gjë për mua. Afrohu tani të ta jap një përqafim.”, u shpreh ajo në video.
