Madonna është një artiste me famë botërore dhe njihet si një këngëtare mjaft ekstravagante. Mirëpo, së fundmi xhirimet e videos së saj muzikore së bashku me reperen Tokischa janë ndërprerë nga policia.
Çfarë ndodhi?
Mësohet se shumë qytetarë kanë denoncuar zhurmën që vinte në zonën ku po xhirohej klipi.
Sipas tyre, volumi i muzikës ishte shumë i lartë dhe për pasojë, ishin shqetësuar nga zhurma.
Ngjarja ndodhi të martën se rreth orës 23:39.
Zëdhënësi i policisë tha më pas se gjithçka u rregullua dhe këngëtarja e njohur nuk u shoqërua në komisariat.
Më herët, këngëtari bëri një tatuazh të ri në trupin e saj!
Këngëtarja ikonike nderoi nënën e saj të ndjerë me një tatuazh dore me bojë të kuqe, duke ua treguar dizajnin fansave dhe ndjekësve të saj në rrjetet sociale dhe duke zbuluar kuptimin e tij.
Legjenda e muzikës 64-vjeçare, e cila kohët e fundit u shpreh se ishte penduar për martesat e saj të mëparshme, ka postuar në Instagram për të ndarë tatuazhin e ri, i cili ka një ‘X’ në krye dhe fjalën ‘Maman’ që do të thotë nënë në frëngjisht.
Në fund të dizajnit, Madonna shtoi një zemër të thyer dhe shkroi “Klubi i zemrave të thyera”, duke iu referuar veprës së artit.
