Kënga e Miley Cyrus dhe Dolly Parton “Rainbowland” është ndaluar të këndohet në një koncert në Wisconsin për shkak të termave të përdorur. Për të shmangur diskutimet, kënga nuk u transmetua duke i lënë studentët që kishin shpresuar ta këndonin, të zhgënjyer dhe konfuzë.
“Është një këngë kaq argëtuese dhe ata thjesht e hoqën menjëherë,” tha Melissa Tempel, një mësuese e klasës së parë në shkollën fillore Heyer.
“Rainbowland” ishte planifikuar të ishte një nga këngët që nxënësit e klasës së parë të Tempel-it do të këndonin në koncertin e tyre pranveror. Mësuesja më vonë zbuloi se administrata e Heyer Elementary nuk do lejonte që kënga të performohej, duke i lënë të vegjlit të trishtuar, raportojnë mediat e huaja.
“Ne thjesht ndihemi keq sepse fëmijët ishin të emocionuar për këtë,” tha Tempel, e cili ka dhënë mësim për 20 vjet dhe është certifikuar nga bordi kombëtar. “Është vërtet konfuze… Thjesht nuk ka shumë kuptim.”
“Rainbowland” është një duet nga Miley Cyrus dhe kumbara e saj Dolly Parton në albumin e Cyrus të vitit 2017 “Younger Now”.
Drejtoresha e shkollës konfirmoi për Fox 6 se “Rainbowland” u hoq nga lista duke thënë: “U përcaktua që ‘Rainbowland’ mund të perceptohej si e diskutueshme. Nuk ishte e përshtatshme për moshën dhe nivelin e pjekurisë së studentëve”
