Duket se eksperienca e tij me “Instagram-in” nuk eci edhe aq mirë, pasi shumë komentues iu kthyen negativisht pas mesazheve politike në profilin e tij javën e kaluar. Dhe pasditen e së shtunës, Kanye West vendosi të tërhiqet nga rrjetet sociale duke fshirë të gjitha llogaritë e tij.
Reperi 41-vjeçar u shfaq gjatë perfomancës së tij në “SLN” me një kapele, mbishkrimi i së cilës ishte: “Bëje Amerikën të mrekullueshme sërish”. Pas kësaj, ai u fut më thellë në çështjet politike, duke thënë se amendamenti i 13-të duhet të hiqet. Përballë zemërimit të njerëzve, Kanye sqaroi se e kishte fjalën të ndryshohej, e jo të hiqet amendamenti i 13-të!
Nuk është hera e parë që bashkëshorti i Kim, largohet në rrjete sociale. Në maj të 2017, ai fshiu llogaritë e tij dhe qëndroi 11 muaj larg tyre, për t’u rikthyer në prill të vitit 2018.
