Kosova ka probleme me energjinë elektrike dhe kjo gjë ka sjellë reflektime edhe te artistët. Shqetësim ka shprehur edhe këngëtarja e njohur, Zanfina Ismajli.
Ajo ka publikuar një Instastory, ku shpreh dëshirën për të jetuar në Shqipëri. Gjithashtu ajo ka publikuar edhe një foto të pasaportës shqiptare.
“Pasi e kam këtë pasaportë, me u zhvendos disa muaj në Shqipëri, të paktën atje nuk ndalet energjia çdo tri orë”, shkroi ajo.
Zanfina Ismaili ka disa vite që nuk është aspak aktive në muzikë. Ndërkohë që të gjithë mendonim se kjo mund të ishte një pauzë, njësoj siç bëri edhe Adelina disa vite më parë, në fakt nuk ishte e tillë. E ftuar në emisionin “tetë a tetë” të motrës së saj, Zanfina zbuloi se ka marrë një vendim pa kthim pas.
Ajo tregoi se nuk do i rikthehet më muzikës dhe se kapitullin e saj të karrierës artistike e ka mbyllur përfundimisht. Zanfina tha se aktualisht po punon në dy profesione të ndryshme, por preferoi të tregonte se për çfarë bëhet fjalë.
Zanfina i është futur botës së medias njësoj si motra e saj e madhe, Adelina. Por në krahasim me Adelinën që është pjesë e ekranit, Zanfina ka zgjedhur të jetë më e fshehtë. Ajo ka nisur punë në një radio në Prishtinë, por nuk dihen detaje të tjera në lidhje me këtë gjë.
