Stilistja e njohur shqiptare, Nensi Dojaka na ka krenuar të gjithë me arritjen e saj të fundit. Ajo ia doli të fitonte çmimin prestigjoz e “British Fashion Council” për talentet e reja në “Fashion Awards 2021”.
Eventi prestigjoz u mbajt mbrëmjen e djeshme në Londër dhe stilistja ia doli të renditej mes emrave më të shquar të modës si Stella Mccarty, Tommy Hilfiger apo i ndjeri Virgil Abloh. Ajo është shprehur e lumtur për arritjen, që erdhi në një ditë të veçantë për Shqipërinë, siç ishte 29 Nëntori.
Por kjo nuk është e vetmja arritje për shqiptaren. Ajo u bë mjaft e njohur pasi veshi modelen Bella Hadid, veshje e cila u komentua dhe pëlqye shumë.
Më vonë ajo ia doli të fitonte çmimin prestigjioz LVMH të Louis Vuitton për stilistët e rinj. Nensi triumfoi mes 1900 aplikantëve nga e gjithë bota dhe u përzgjodh nga një juri me emra të mëdhenj të modës. Po ashtu, shqiptarja tjetër që na bën krenarë, Dua Lipa ka zgjodhi një foto të saj me veshje të Nensit për ta uruar stilisten.
“Me veshjen e stilistes shqiptare. Urime Nensi për çmimin LVMH”, shkruante Dua.
28-vjeçarja, e cila po zhvillon karrierën në dhe me Londër ka punuar figura të tjera të famshme si Bella Hadid, Emily Ratajkowsi dhe Kaia Greber.
