Kristen Stewart u shfaq të mërkurën me disa hematoma në fytyrë dhe plagë të vogla te gjunjët, në Gjeorgji.
26-vjeçarja, e cila u pa me të dashurën e saj të re, modelen Stella Maxwell, ndryshoi më vonë paraqitjen me një palë pantallona të grisura dhe bluzë me kapuç.
Është ende e paqartë se si është lënduar Kristen, ndërsa dyshohet se është rrëzuar nga dalja në darkë.
Aktorja e cila ndodhet në Gjeorgji për filmin e saj të ri, një projekt ende i patitulluar, nuk u përpoq në asnjë moment që të fshehte plagët që kishte marrë në gjunjë.
Kristen kishte zgjedhur pantallona të shkurtra të zeza me çorape të gjata, që i lënin zbuluar gjunjët.
Ajo mbante syze dielli, të cilat i mbulonin të nxirat te pjesa e syrit. Në foto mund të dallojmë me lehtësi gërvishtjen në ballë, por edhe në pjesën e buzës.
Stella u dallua teksa i qëndronte pranë Kristen, ku në një moment vështroi edhe gjendjen e plagëve që kishte marrë kjo e fundit. Dyshja është parë duke kaluar shumë kohë bashkë së fundmi, gjë e cila ka nisur edhe thashethemet për romancën e tyre.
Burimi: Daily Mail
