Artistja Pink ka anuluar koncertin e saj pasi u sëmur.
Këngëtarja nuk do të performojë në Bernë, Zvicër të mërkurën, pasi mori këshillat nga ekipi i saj mjekësor. Ajo sapo ka përfunduar koncertet e saj në të gjithë Mbretërinë e Bashkuar dhe do niste shfaqjet e saj nëpër Evropë.
Nuk dihet ende saktësisht se çfarë ka ndodhur me artisten e njohur amerikane, por mendohet se marifetet e saj në skenë mund të kenë të bëjnë me të. “Pink ka anuluar shfaqjen e saj në Bernë me urdhër të mjekut”, shpjegoi një burim më herët këtë mëngjes.
“Ajo ka punuar shumë dhe performancat janë gjithmonë me shumë marifete,” i thanë ata The Sun.
Kjo është hera e dytë e këngëtares me sëmundje në mes të turneut, pasi i ndodhi edhe gjatë turneut të saj në Britani të Madhe. Në qershor, vetëm disa orë para koncertit, ajo u tha fansave se nuk ishte mirë. Këngëtarja, ndau lajmin në një postim në Instagram se kishte një problem në stomak përpara koncertit në stadiumin Principality në Cardiff.
