Javën e kaluar, është zbuluar lista e plotë i të famshëmve që do të marrin pjesë në “Rihanna -s 2022 Savage X Fenty Show Vol. 4 “, por një thashethem i ri po përhapet me shpejtësi.
Sipas një raporti të ri, Johnny Depp do të jetë një i ftuar surprizë në sfilatën e modës.
Një burim tha për TMZ se Johnny Depp nuk do të jetë model, por përkundrazi, ai do të jetë fokusi i një prej momenteve të mëdha të spektaklit, ku në të kaluarën kanë përfshirë Cindy Crawford dhe Erykah Badu.
Burimi shtoi se “Rihanna dhe ekipi i saj e ftuan Johnny -n të ishte pjesë e tij dhe të dyja palët ishin shumë të emocionuara për ta realizuar atë.”
Në sfilatën e Rihanna -s do të jenë 4 interpretues dhe disa modele të famshme.
Kujtojmë se Rihanna i është kthyer edhe muzikës, duke bërë bujë kudo. Ajo u rikthye me këngën “Lift me up” pikërisht për “Black Panther: Ëakanda Forever”. Ky rikthim i saj gëzoi fansat por edhe kolegët e saj. Karol G shprehu haptazi mbështetjen për Rihanna-n përmes një postimi.
“Rihanna, të dua! Shpresoj që një ditë të mund ta them personalisht! Nuk ka asnjë person në botë që më frymëzon më shumë se ti”, shkruan Karol G
Nga ana tjetër, kujtojmë se artistja me famë botërore po përgatitet për “Super Bowl”. Këtë lajm e ka bërë me dije vetë artistja përmes një postimi në Instagram. Ajo do të performojë në “Super Bowl Halftime 2023” në Glendale, Ariz dhe fansat janë që tani shumë të entuziazmuar.
Mirëpo, së fundmi këngëtarja është pyetur se si ndihet që tani për performancën e saj.
Ajo tha: “Jam nervoze, por jam e emocionuar”, raporton TMZ.
Rihanna u largua nga biznesi i muzikës duke u kthyer në një sipërmarrëse. Në vitin 2017, ajo themeloi një kompani kozmetike të quajtur “Fenty Beauty”. Pasi marka e saj fitoi emër, Rihanna erdhi me “Fenty Skin”, një linjë për kujdesin e lëkurës për të plotësuar biznesin e saj. Pas kësaj, Rihanna filloi të shiste të brendshme me “Savage X Fenty”.
