Është krijuar ideja sikur “Imuniteti i tufës” mund të na shpëtojë në luftën ndaj koronavirusit.
Shumë mjekë dhe studiues thonë në fakt se ne ta fitojmë betejën kundër pandemisë përmes krijimit të imunitetit ndaj virusit. Por në fakt të kuptosh nëse je imun ndaj një virusi të frymëmarrjes, siç është ky me të cilin po përballemi tani, është vërtet i vështirë.
Deri më tani, testet më të mira që ekzistojnë mund të japin një vlerësim të arsyeshëm nëse dikush ka qenë i ekspozuar ndaj virusit, por nuk mund t’ju tregojnë nëse jeni imun ndaj tij.
Problemi me koronavirusin është se ai ka evoluar për të shmangur imunitetin. Ai posedon të gjitha llojet e armëve të panjohura që minojnë përgjigjet tona imune.
Dhe në fakt, njerëzimi kurrë nuk ka zhvilluar “imunitetin e tufës” ndaj ndonjë koronavirusi. Kjo u demonstrua në mënyrë eksperimentale me virusin sezonal të quajtur 229E, i cili zakonisht shkakton një infeksion të butë – ashtu si Sars-CoV-2 bën në shumicën e rasteve. Vullnetarët u infektuan me 229E, dhe me simptoma të zhvilluara siç duhet. Ata gjithashtu zhvilluan antitrupa disa javë më vonë. Të njëjtët ishin në gjendje të ri-infektohen disa muaj më vonë (megjithëse me simptoma më të buta).
Ndaj dhe pacientët që kanë simptoma të buta, ose s’kanë fare simptoma të COVID-19, me siguri nuk do të zhvillojnë një reagim të fortë dhe të qëndrueshëm sa duhet për të parandaluar rikthimin e virusit pas disa muajsh.
Ajo që është kryesore në këtë pikë është se ne kemi nevojë për një vaksinë. Lajmi me të vërtetë i mirë për këtë virus është se nuk po ndryshon në atë mënyrë që ta bëjë vaksinimin veçanërisht të vështirë. Ka të paktën 90 kandidatë për vaksina, dhe disa ka të ngjarë të jenë të suksesshëm.
Por, sa do të zgjasë përpjekja për të gjetur të duhurën? Shpresojmë që kjo të ndodhë sa më shpejt që të jetë e mundur. Ilaçet antivirale si Remdesivir mund të ndihmojnë pak, veçanërisht nëse mund të jepen herët, por të dhënat e deritanishme janë që në rastin më të mirë ata do të japin një përfitim shumë të vogël.
Koreja e Jugut dhe vendet e tjera që kanë zbatuar një politikë vërtet të efektshme testimi dhe gjurmimi të virusit e kanë luftuar më fort atë. Ekonomitë e tyre do të jenë në gjendje të rihapen me kujdes.
Po ne çfarë po bëjmë? Deri sa të dalë vaksina, ne do të kemi nevojë për testime, ndjekje dhe gjurmim të drejtuar nga teknologjia, me distancim shoqëror ku mundemi, dhe veshje të maskave edhe aty ku nuk mundemi. Kjo është një strategji e mirë – dhe duhet ta ndjekim me shpresën se gjithçka do të kalojë!
/https://www.spectator.co.uk/
