Lori Hoxha shpeshherë ua kushton një pjesë të ditës ndjekësve në rrjete sociale, për t’ju shuar çdo kuriozitet në lidhje me jetën e saj. Edhe sot ajo ka realizuar një intervistë të shkurtër me ta dhe mes pyetjeve nuk mungoi njëra për kuptimin e tatuazhit që ka në krahë.
Lori ka treguar se në krah ka shkruar fjalën “saudade” dhe duket se ka lidhje me personin që i ndjen më shumë mungesën, babain e saj të ndjerë.
“Malli që ndjen për diçka apo dikë që e doje dhe më pas e humbe, duke e ditur se nuk do të kthehet më kurrë. ‘Dashuria që mbetet’”, ka shpjeguar Lori.
Trashëgimtarja e “Top Channel” ka treguar se ka pasur një lidhje shumë të ngushtë me babain e saj, Dritan Hoxhën dhe nuk janë të pakta rastet kur ajo e kujton përmes postimeve në rrjete sociale. Në kohën kur Hoxha u nda nga jeta Lori ishte një vajzë adoleshente dhe prandaj ajo mban mend shumë ngjarje që i ka si kujtim nga i ati.
