Edhe pse është një nga këngëtaret më të sukseshme kohët e fundit, Xhensila Myrtezaj ka disa kritika për veten e saj. Teksa ishte e ftuar në emisionin “A live night”, ajo tregoi se do donte që të ishte treguar më e fortë kur ishte në nisje të karrierës së saj dhe të mos dëgjonte njerëzit përreth.
Ajo tha se këto mësime tashmë ajo ia jep vajsë së saj, Ajkës.
“Nëse do kisha Xhensilën e vogël sot, për të bërë atë hapin drejt muzikës, do t’i thoja që bëhu pak më e fortë, se tashmë është krijuar karakteri dhe është vonë që të ndryshojë. Vazhdo rrugën që zoti ka ndritur për ty, pa dëgjuar se çfarë bëhet përreth. Unë këtë gjë e vuaj shumë. Nëse do kisha qenë natyrë pak më e fortë, besoj do isha shumë më e qetë. Kjo është e vetmja gjë që do ja thoja Xhensilës së vogël, por ia them Ajkës gjithmonë. Duhet ta duash shumë veten, asnjë nuk është përfekt, por duhet të ndihesh perfekte. Në një mënyrë të thjeshtë i them duaje veten”- u shpreh Xhensila në “A live Night”.
Ajo gjithashtu ka folur për sakrificat që i duhet të bëjë për muzikën dhe karrierën e saj.
“Sakrifica bëjmë çdo ditë për muzikën. Ne qëndrojmë netë pa gjumë në studio. Më ka ndodhur që në xhirime kam qenë e sëmurë, ose për të shkuar në koncert më është dashur të kaloj turbulenca të jashtëzakonshme dhe të frikshme në avion. Të lë vajzën për të qenë më pranë publikut”- tha këngëtarja.
