Me siguri ju kujtohet ish-konkurrenti i edicionit të pestë të “Big Brother Albania”, Dritan Zenunaj, i cili megjithëse nuk arriti të qëndronte gjatë në shtëpi, bëri për vete një pjesë të madhe të publikut shqiptar.
Së fundmi, Dritani është kurorëzuar me martesë me partneren e tij Kejsin, një bjonde simpatike e cila në profilin e saj në Instagram ka ndarë disa foto e video nga ceremonia.
Sipas “Bordo”, dasma është mbajtur në një resort të qytetit të Vlorës prej nga është Dritani dhe festa ka vazhduar deri në orët e para të mëngjesit.
Nusja ka shkëlqyer me fustanin e bardhë të nusërisë në formën e bishtit të sirenës, ndërsa për flokët kishte zgjedhur një model të thjeshtë me onde, të cilat i kishte kthyer nga njëra anë. Në pamjet e publikuara, çifti shfaqet duke shkëmbyer një puthje pasionante dhe kanë kërcyer valsin e tyre të parë si burrë e grua.
Vazhdimisht në profilin e tij në Instagram, Dritani ka ndarë foto me bukuroshen që i ka vjedhur zemrën dhe me të cilën vendosi të kurorëzohej këtë verë me martesë.
