Sot spektakli i së premtes nisi më serioz se asnjëherë tjetër.
U hap një diskutim shumë serioz dhe vendimtar për formatin e emisionit.
Prej ditësh është lakuar në publik, media dhe portale se në shtëpinë e ‘’Big Brother Vip’’ përdoret celulari smartphone.
Tituj të pafund janë shkruar duke aluduar se konkurentët e ‘’BBV’’ përdorin në mënyrë të fshehtë celularët e tyre.
E gjithë jehona që mori në media kjo çështje kërcënoi seriozisht transparencën e formatit.
Sot u qartësua njëherë e mirë se ajo që komentohet si një celular është në të vërtetë një makinë llogaritësë.
Bëhet fjalë për një llogaritëse të cilën banorët e përdorin për të programuar buxhetin që ata fitojnë javë pas jave gjatë provave javore.
Pak ditë më parë ishin sërish shikuesit ata që zbuluan një tjetër skandal. Ata kuptuan se banorët komunikojnë me produksionin në dhomën e rrëfimit, por këto natyrisht janë pamje që nuk i sheh askush. Disa ndjekës edhe më të vëmendshëm kanë vënë re se kur dalin nga dhoma e rrëfimit, banorët pëshpërisin ose flasin me kode. Ky detaj u vu re sidomos nga një video që vetë Big Brother e ka publikuar në rrjetet sociale, ku shihet Monika që i bën shenja Ilirit dhe i thotë:
“Gjërat bëhen edhe pa folur. Ka forma të ndryshme për t’u bërë”.
Menjëherë pasi kanë parë këtë, ndjekësit kanë shpërthyer në komente.
“Na e shpifët me kode dhe mbrëmë për dhomën e rrëfimit i nxorrët të gjitha që flisni me produksionin. S’na shpëton gjë. Luani pisët shumë”, shkruante një ndjekës.
