Dielli rrezaton kudo, lulet po lulëzojnë dhe ju keni kudo ftesa dasmash.
Sezoni i dasmave është ai që ju bën shpesh të mendoni për fazën tjetër të marrëdhënies suaj. Kështu që ndoshta po pyesni veten, si mundet martesa të ndikojë në lidhjen time dhe të partnerit ? Do të na bëjë më të lumtur? Do të forcojë marrëdhënien tonë?
Përveç shoqërisë entuziaste apo pjesëtarëve të familjes, ndoshta keni shumë prova që sugjerojnë se përgjigjet e të dyja këtyre pyetjeve janë “po”.
Interesante, pjesa më e madhe e hulumtimeve sociologjike në këtë temë sugjerojnë se martesa nuk është çelësi i lumturisë së përhershme, por diçka shumë më themelore. E gjitha lidhet me faktin e gjetjes së një partneri romantik, i cili gjithashtu është personi që mund ta quani pa frikë si mikun tuaj më të mirë.
Në një studim të kohëve të fundit të mijëra çifteve për martesën dhe lumturinë, John Helliwell, një ekonomist i Universitetit të Kolumbisë Britanike dhe bashkautor i Raportit Botëror të Lumturisë të OKB-së, zbuloi prova që sugjeronin se faktori më i rëndësishëm për një marrëdhënie të qëndrueshme dhe të lumtur ishte nëse shihni apo jo partnerin tuaj si mikun tuaj më të afërt.
Studimi zbuloi se çiftet që ishin miq të ngushtë dhe jetonin bashkë ishin po aq të lumtur sa çiftet që ishin miq të ngushtë dhe të martuar.
Me fjalë të tjera, martesa nuk duket se ka shumë rëndësi.
“Ndoshta ajo që është me të vërtetë e rëndësishme në një marrëdhënie është miqësia dhe të mos harrojmë kurrë të krijojmë tërheqjen e jetës së përditshme”.
Burimi: Business Insider
