Sipas një artikulli të Universitetit Shtetëror të Miçiganit, emri është shumë i rëndësishëm sepse bëhet pjesë e identitetit të një individi. Kur dikush emërtohet sipas xhaxhait, tezes, gjyshërve, ekziston edhe një “mendësi” se fëmija do të ndjekë në jetë fatin e personit të cilit i ka marrë emrin. Psikologjikisht, kur emrat e fëmijëve vendosen njësoj si anëtarët e familjes, emocionet projektohen dhe tek identiteti i tyre. Jo vetëm, një barrë u vihet gjithashtu mbi shpatullat e tyre për t’i kënaqur të rriturit po aq sa personi që ka ndërruar jetë.
Këshilla për zgjedhjen dhe emrit të foshnjës tuaj:
1. Hulumtoni kuptimin dhe ndjenjat e emrit, kjo do t’ju jap një ide të personalitetit dhe identitetit.
2. Merrni parasysh gjatësinë e emrit, sa i shkurtër apo i gjatë. Kjo është e rëndësishme, për shembull, nëse mbiemrat janë të gjatë, zgjidhni një emër të shkurtër ose anasjelltas.
3. Mund të jetë ide e mirë që të shkojë me mbiemrin, nëse ka një rimë të mirë apo melodike.
4. Zgjidhni një emër që është i veçantë dhe i lehtë për t’u shqiptuar. Nëse zgjidhni një emër të huaj, duhet të kontrolloni më parë kuptimin e tij.
Pse jo, vendosini fëmijëve tuaj emra shqiptarë. Për këtë do të jeni gjithmonë “in”.
