Mbi një javë më parë këngëtarja tregoi planet e saj për një projekt, që do të publikohet së shpejti dhe duket se çdo gjë është gati.
Kur iu rikthye mediave sociale më 1 shkurt, Elvana Gjata pozonte në një studio diskografike.
“Do të vazhdoj të bëj atë për të cilën më keni dhuruar kaq shumë dashuri në më shumë se 10 vjet, e pa të cilën nuk di a mund të jetoj”, shkroi Elvana në deklaratën e saj të parë pas rreth 4 muajsh heshtjeje.
Ndërsa dje publikoi një foto me hashtagun “Sa shumë të paskam dasht”, sot këngëtarja tregoi një video 7 sekondash në Insta Story, që duket se është shkëputur nga klipi i saj më i ri.
https://www.instagram.com/p/BuThs5NBkp_/
Në video shfaqet vetëm këngëtarja e veshur me kanatiere dhe xhaketë xhinse, por nuk dëgjohet asnjë muzikë.
Mesa duket Elvana dëshiron që të lërë gjithçka surprizë deri në momentin që do të publikohet dhe e ndjejmë që ajo ditë po afron.
Burimi: Instagram
