Ka kaluar vetëm pak kohë që kur modelja Oriola Marashi dhe futbollisti Eros Grezda bënë publike lidhjen e tyre të dashurisë dhe tashmë janë kthyer në një ndër çiftet më të komentuar të showbiz-it.
Oriola dhe Erosi po bashkëjetojnë prej kohësh dhe duket se izolimi në shtëpi gjatë karantinës i lidhi më shumë me njëri-tjetrin.
Zëra lart e poshtë thonë se çifti është fejuar e nëse këto lajme s’janë ende të vërteta, modelja dhe futbollisti janë drejt asaj rruge.
Ata nuk fshihen më nga publiku dhe madje sonte, Oriola tregoi se është fansja më e zjarrtë e Erosit.
Në një Story të ruajtur nga “Iconstyle.al”, modelja u shfaq me një filtër në fytyrë, i cili mbante emrin e partnerit të saj të zemrës.
Bukuroshja i ftoi të gjithë ndjekësit të mbështesnin Erosin, mirëpo s’dimë pse e fshiu këtë video pak më vonë.
Gjithashtu, një koment i Erosit tërhoqi vëmendjen në foton e fundit të Oriolës në Instagram.
Modelja kishte pozuar super seksi teksa me limona si “Magdalena”, ndërsa futbollisti i tha publikisht në komente:
“Limonata ime”, të cilit Oriola ia ktheu me emoji “Mbreti im”.
