Carlos Alcaraz, ylli i tenisit spanjoll dhe fituesi i gjashtë titujve Grand Slam, po përflitet për një lidhje të re me modelen amerikane të “Sports Illustrated”, Brooks Nader. Sipas motrës së saj, Grace Ann Nader, lajmet për një romancë mes tyre janë të vërteta.
“Thashethemet janë të vërteta”, tha Grace Ann për “E! News”. “Të thuash që janë në një lidhje ndoshta është pak e nxituar, por unë e di që ai është njeriu i momentit.” Deklarata e saj konfirmon për herë të parë publikisht lidhjen e mundshme të Alcaraz me Nader, duke mbyllur kështu spekulimet e mëparshme rreth një romance me tenisten britanike Emma Raducanu.
Alcaraz dhe Raducanu kishin ngjallur zëra për një lidhje gjatë pjesëmarrjes së përbashkët në US Open, por duket se raporti i tyre ka qenë thjesht profesional.
Ndërkohë, Brooks Nader është parë në tribunat e US Open javën e kaluar, duke mbështetur nga afër spanjollin. Ajo është një emër i njohur në botën e modës dhe televizionit, si pjesë e reality show-t “Love Thy Nader” së bashku me motrat e saj.
Grace Ann pranoi se ende nuk e ka takuar personalisht Alcaraz, por shprehu dëshirën për ta njohur. “Po vdes ta takoj. Sa i lezetshëm,” u shpreh ajo me entuziazëm.
As Alcaraz dhe as Brooks nuk kanë komentuar zyrtarisht mbi lidhjen.
