Një vit më parë, reperja Cardi B njoftoi në një status në profilin e saj në Instagram se po divorcohej nga babai i vajzës së saj, Offset.
Arsyeja e ndarjes ishte tradhëtia e reperit, i cili e pranoi publikisht asokohe se ia kishte bërë këtë gjë këngëtares.
Mirëpo, teksa të gjithë prisnim divorcin, Cardi u ribashkua me Offset duke i “zhgënjyer” fansat e saj.
Të shumtë ishina ata që i dolën kundër, duke u shprehur se ajo s’duhet ta kishte bërë një veprim të tillë.
Megjithatë, reperja ka shpjeguar për “Vouge” arsyen pse ajo dhe Offset u ribashkuan edhe pas tradhëtisë së tij.
“Kur unë dhe bashkëshorti im patëm probleme dhe unë vendosa të qëndroja me të dhe të punonim për lidhjen tonë, shumë njerëz u nevrikosën me veprimin tim dhe femrat u ndjenë të zhgënjyera. Por kjo është jeta reale. Nëse e do dikë dhe nuk je më me të dhe je në depresion dhe rrjetet sociale të thonë se nuk duhet t’i flasësh atij personi, sepse ai të tradhëtoi, ti në të vërtetë nuk je i lumtur brenda vetes. P
astaj kur kthehesh me të të thonë ‘si munde?’. Na zhgënjeve të gjithëve. Të gjithë në rrjete sociale duken sikur lidhja e tyre është perfekte. Kjo është çmenduri për mua. Ka gjithmonë gra që thonë se e duan shumë partnerin, por ai nuk është i pasur, apo se ka një problem me nënën e tij, apo që marrëdhënia e tyre seksuale nuk është më aq e mirë. Të gjithë kanë probleme”- është shprehur reperja, duke treguar se vendosi të marrë vendimin që e bën të lumtur.
