“I like diamonds” – ka deklaruar Cardi B dhe preferencat e saj duket se po përpiqet t’i kalojë edhe tek e bija, Kulture. Me rastin e 3-vjetorit të lindjes së vogëlushes, reperja nuk u kursye fare dhe i bleu Kulture një varëse të veshur me diamante. Varësja mbante figurën e Minnie Mouse, një të logos së Channel dhe një shkronjë K për Kulture.
Cardi B ndau në rrjete sociale një video nga momenti kur i dhuroi vogëlushes varësen, të cilën ajo e ka pëlqyer shumë. Kulture duket shumë e lumtur në video, teksa buzëqesh para kamerës.
View this post on Instagram
Por kjo ishte vetëm një pjesë nga surpriza që Cardi B dhe Offset kishin përgatitur për vajzën e tyre. Ata të dy kishin organizuar dhe një festë madhështore me tematikë zanash për Kulture, që shumë shpejt do të marrë edhe rolin e motrës së madhe.
Cardi B dhe Offset do të bëhen prindër për herë të dytë. Lajmin e ëmbël e dha vetë reperja teksa zbuloi barkun e rrumbullakosur gjatë paraqitjes së saj në “BET Awards 2021” teksa konfirmoi se ajo dhe bashkëshorti i saj janë në pritje të fëmijës së dytë.
Ajo u ngjit në skenë me një veshje që ekspozonte barkun e rrumbullakosur. Reperja ndau një postim në rrjetet sociale pas performancës, të cilin e shoqëroi me mbishkrimin: #2.
Pasi dha lajmin ajo postoi një foto me të voglën e saj, Kulture, që shihej duke i vendosur dorën mbi barkun e rrumbullakosur.
“E di se këta të dy do e duan shumë njëri-tjetrin dhe do të zihen shumë duke qenë se kanë vetëm 3 vite diferencë, njësoj si unë dhe Henny. Por diçka është e sigurt, se do i qëndrojnë pranë njëri-tjetrit si askush tjetër”, shkroi Cardi B përkrah fotos me vajzën, pa e zbuluar gjininë e bebushit të dytë.
View this post on Instagram
