Javën e kaluar ajo rindezi thashethemet se ishte fejuar me këngëtaren amerikane Annie Clark, e njohur gjithashtu si St Vincent, kur ajo u pa duke pozuar në “Instagram” me një unazë në gishtin e saj të majtë.
Dhe pavarësisht se nuk i ka dhënë përgjigje spekulimeve, Cara Delevingne pranoi se është më e dashuruar se kurrë.
Dhe zbuluar se ajo nuk është ndjerë kurrë në këtë mënyrë më parë, modelja angleze dha një intervistë për numrin e shtatorit në revistën “Vogue”.
“Jam tërësisht e dashuruar”, tregon ajo duke pozuar me një veshje mëndafshi blu para fotografit Mario Testino.
“Më parë, unë nuk e dija se çfarë ishte dashuria, ajo e vërteta. Unë nuk e kuptoja thellësinë e saj. Unë gjithmonë mendoja se ishe ti kundër botës. Tani e di kuptimin e jetës që është dashuri. Pavarësisht se është për veten, për botën ose për partnerin”, thotë modelja.
Duke folur për tranzicionin e saj nga modelingu drejt aktrimit, ajo shpjegon: “Jam ende duke mësuar. Unë luaj për dashurinë. Jap të gjithë veten time. Unë sërish do ta bëja edhe nëse nuk do të paguhesha për të. Por në çështjen e të pagesave të barabarta, unë duhet të paguhem njësoj sa një mashkull, që ka të njëjtën pagë sa unë. Ndryshe nuk do ta bëja atë. Sepse nëse pranoni më pak, po i lini të gjithë më poshtë dhe vazhdoni zinxhirin”.
23-vjeçarja shpjegon se frika e saj më e madhe lidhet me karrierën: “Frika ime më e madhe është gjithmonë se unë do të punësohem për numrin e ndjekësve”.
Ndërsa shprehet për seksualitetin e saj, ajo shton: “Kur isha fëmijë unë e përdorja “gay” si një fjalë të keqe, “Kjo është kaq “gay”. Prindërit e mi ishin shumë mbështetës. Unë jam dukshëm në dashuri, kështu që nëse njerëzit do të thonë që jam “gay”, është në rregull. Por ne jemi të gjithë të lëngshëm – ne ndryshojmë, ne rritemi”.
“Mendoj se të qenit në dashuri me të dashurën time është një arsye e madhe pse unë jam e lumtur me atë që jam këto ditë. Seksualiteti im nuk është një fazë. Unë jam kjo që jam”, deklaron e bindur Cara.
*Shfleto galerinë
Burimi: Daily Mail
