Prej muajsh Capital T ka lajmëruar fansat se do publikojë albimin e tij të ri me një emër krejt të veçantë “Skulpturë”, që pritet të bëjë namin këtë verë.
E teksa jemi në pritje të lançimit të të gjithë albumit, këngëtari po sjell një nga një projektet e tij, solo dhe në bashkëpunim, që kanë rezultuar shumë të sukseshme.
Një prej tyre është edhe “Flawless”, e publikuar 1 muaj më parë, si pjesë e “Skulpturës”, që deri tani numëron mbi 4 milionë klikime.
Duket se edhe vetë Capital e ka të përzemërt këtë projekt, madje ndihet krenar për të dhe me atë rast ka hedhur edhe një goxha thumb për kolegët e tij.
28-vjeçari ka shpërndarë pak minuta më parë një video në Instagram, ku shfaqet me “Flawless” në sfond, teksa poshtë videos shkruan se kënga ia ka dalë të triumfojë dhe se është ndryshe nga gjithë industria.
“FLAWLESS” im so proud of you ?? krejt ndryshe prej cka bon industria edhe prap ja dole me triumfu me sukses ??? #SKULPTURE
https://www.instagram.com/p/CCYlNunhj0w/?igshid=bfjaiaz39kx7
Epo tani që të jemi pak realistë ndryshe është, apo jo?
Më herët ditën e sotme, artisti ka hedhur në Instastory një postim duke na lajmëruar publikimin e këngës së tij të radhës “C’est la vie”, që do publikohet së shpejti por ende nuk e ka një datë se kur.
Kujtojmë se albumi është i ndarë në dy pjesë dhe deri tani nga pjesa e parë kanë mbetur pa u publikuar vetëm projekti i mësipërm dhe kjo pjesë përbëhet nga 7 këngë, mes të cilave edhe bashkëpunimi me Ledrin.
Sakaq, pak dimë nga pjesa e dytë e albumit, që pritet të publikohet së shpejti dhe përbëhet nga 8 këngë, 4 prej të cilave bashkëpunime, që ende nuk janë zbuluar nga autori i hitit ‘Akull’.
E dimë se mezi po prisni të keni në dorë ‘Skulpturën’ e Capital T, por duhet të duroni edhe pak fare.
https://www.instagram.com/p/CCBLKF9hxxW/?utm_source=ig_web_copy_link
