“Calvin Klein” ka hedhur në treg ck2, parfumin me aromë uniseks (pa gjini, për meshkujt dhe për femrat). Parfumi është bërë për brezin e këtij shekulli, duke pasur si qëllim heqjen e etiketave tradicionale, i cili vijon në gjurmët e nisur nga CK One në vitet ’90.
Parfumi përshkruhet si aroma që mishëron emocionin për jetën dhe feston diversitetin e lidhjeve mes dy njerëzve. Ck2 balancon freskinë me ngrohtësinë falë pikantes së “wasabi”-t (bimë japoneze), luleve, gurit dhe pyjeve.
Fushata e realizuar nga Ryan McGinley sjell katër histori të ndryshme që ndërthuren njëra me tjetrën për të festuar pasionin rinor dhe romancën. Ck2 këtë dhjetor është në shitje në pakicë përmes blerjeve online, ndërsa në shkurt të 2016-s do të jetë në shitje në mbarë botën.
