Calvin Klein është një kompani e madhe mode, një ndër më të mëdhenjtë aktualisht. Për koleksionin Pranverë 2016, shtëpia amerikane e modës minimaliste u bë e madhe, duke përfshirë veshje dhe linja të ndryshme.
Calvin përfshiu në fushatën e re publicitare ndër emrat më interesant të momentit, si dhe emra të rinj: modelen Kendall Jenner, këngëtarin Justin Bieber, artisten FKA Twigs, aktoren Abbey Lee Kershaw, Sung Jin Park dhe disa persona sensual nga bota e artit, muzikës dhe modës.
Modelja 20-vjeçare Kendall dhe këngëtari 21-vjeçar Justin shihen të veshur me të brendshmet e kësaj marke, bashkë me disa artistë të tjerë. Reklama tregon të famshëm të cilët i kanë produktet e Calvin Klein pjesë të pandashme të jetës së tyre.
Për Bieber është hera e dytë që pozon për Calvin Klein pas fotosesionit në janar të 2015-s, kur ishte imazh i kësaj firme.
Ndërkohë që tashmë janë publikuar të gjitha fotografitë e fushatës, ku si slogan qëndron sipër imazhit një fjali, folja e së cilës varion nga ideja që do të përcjellë fotografia.
Burimi: GQ
