Teksa disa vende po përballen me të nxehtin afrikan, zona të tjera të vendit do të kenë sot reshjet e para të shiut.
Sipas Meteoalb, rrebeshi do të nisë në vendet malore të Shqipërisë, ndaj njerëzit bëjnë mirë të mos e harrojnë një çadër me vete kur të dalin.
Parashikohet që reshjet të nisin gjatë pasdites, ndërsa në vendet e tjera temperaturat do të vijojnë të jenë të larta deri në 38 gradë.
Parashikimi:
Deri në mesditë mbetemi në ndikimin e alternimeve të kthjellimeve dhe vranësirave kalimtare. Por pasditja sjellë shtim të vranësirave në vend, ku më të shpeshta paraqiten në zonat malore duke sjellë dhe ndonjë rrebesh të izoluar shiu. Temperaturat e ajrit rriten në mëngjes por mbeten të pandryshuara në mesditë duke luhatur vlerat ditore nga 16°C deri në 38°C. Era do fryjë mesatare me shpejtësi 35 km/h nga drejtimi Veriperëndimor duke krijuar dallgëzim 3 ballë.
