Këngëtari Butrint Imeri është një ndër këngëtarët e rinj më të preferuar të momentit. Para pak ditësh, ai u përfol në mediat online për një lidhje të mundshme me moderatoren simpatike Kiara Tito për shkak të komenteve të dyshimta që ata i linin njëri-tjetrit në Instagram. Madje u përfol se i ka kushtuar dhe një këngë.
“Bella” është një ndër këngët e tij verore më të suksesshme, e cila pa diskutim është shndërruar në hit. Dhe sigurisht që kjo këngë e ka frymëzimin tek një femër shumë e bukur.
Vajza që dyshohet se i ka rrëmbyer zemrën këngëtarit, duket të jetë prezantuesja shqiptare Kiara Tito. Te një nga fotografitë e fundit që prezantuesja në fjalë ka publikuar në llogarinë e saj zyrtare në Instagram, ka qenë këngëtari Imeri ai i cili ka komentuar “Bella” në mbishkrimin e fotografisë.
Mirëpo Kiara, i mohoi këto thashëtheme dhe u përgjigj se me Butrintin kanë një miqësi që ka nisur në televizion, asgjë më shumë.
Por pas mohimit të lajmit, këngëtari i talentuar dhe Kiara janë kapur mat së bashku. Në foton e postuar nga “Indeks”, Kiara dhe Butrinti shihen duke biseduar në një lokal të Prishtinës por nuk dihet nëse është një takim thjesht miqësor apo më shumë.
