Butrint Imeri është ndër këngëtarët më të dashur për publikun shqiptar, si dhe ndër më të talentuarit. Në vetëm 4 javë, kënga e tij “Ma Cherie” ka arritur në 18 milionë klikime në “Youtube”.
Ditën e sotme, Butrint Imeri feston 22-vjetorin e lindjes. Me një gotë verë në dorë, Imeri shfaqet i buzëqeshur në foton e postuar në profilin e tij në “Instagram”, ku njofton se është ditëlindja e tij. “22, por prapë shumë i ri”, – shkruan këngëtari, krahas fotos. Mirëpo Butrint Imeri ka vendosur t’i dedikojë një dhuratë fansave të tij në ditën e lindjes. Këngëtari do të publikojë përgjatë ditës së sotme, këngën e tij më të re me titull “Alea”.
“Në ditën e lindjes tem, 3 korrik (e martë), ora 15:00, dhurata jem për juve “ – shkruan Butrint krahas fotos së shkëputur nga videoklipi i veçantë, në profilin e tij në “Instagram”.
Mirëpo Butrint Imeri nuk ndalet! Së shpejti, do të publikohet edhe kënga në bashkëpunim me këngëtarin Capital T.
