Buta është njëri prej talenteve më premtues të repit shqiptar. Ai është mjaft aktiv në rrjetet sociale, ku ndan me mijëra ndjekës detaje nga jeta profesionale dhe jo vetëm. Përsa i përket jetës personale, ai ka tentuar që ta mbajë sa më të fshehtë, mirëpo sot vendosi që të bënte një përjashtim dhe sapo na prezantoi me të dashurën e tij.
Buta ka postuar në rrjetin e tij social Instagram foto të ndryshme me partneren, ku duken mjaft të lumtur së bashku.
Vihet re se e dashura e reperit nuk është pjesë e skenës dhe ekranit shqiptar, ndërkohë emri i vajzës akoma nuk është bërë i ditur.
Kujtojmë se reperi jeton në Ferizaj dhe emri i vërtetë i tij është Betim Januzaj. Me tekste është marrë prej moshës 12 vjeçare. Ne shtator 2010 vendosi të mos jetë vetëm fans i Hip-Hopit, por edhe pjesë e tij. Në intervista të ndryshme ai ka deklaruar që ndjek hapat e rrymës ‘neë school hip-hop’, pasi ai thotë se u rrit me rrepera si Lil Wayne e Future, jo me rreperat legjendar Tupac e Biggie. Kënga e tij e parë u publikua në shtator 2010 dhe titullohej “Guillotine”. Prej asaj kohe ai nuk u ndal më. Njihet si reperi i parë që solli TRAP-in në Kosovë, po ashtu edhe në Shqipëri.
