Gjiko dhe Elita Rudi janë zyrtarisht burrë e grua. Moderatorja dhe reperi thanë “Po” në një ceremoni madhështore, që dukej sikur ishte shkëputur nga libri i një përralle moderne.
Nusja Elita Rudi, ishte shndërruar në një princesh të vërtetë, e veshur me një fustan të bardhë të fryrë dhe vello gjigande, teksa u prit tek shkallët nga bashkëshorti i saj i ardhshëm Gjiko, i cili shfaqej shumë elegant me një kostum të zi.
Ishte kryetari i bashkisë së Prishtinës, Shpend Ahmeti, ai që kurorëzoi në martesë çiftin kosovar.
Dhe pyetjes “A e pranon Elita Rudin për bashkëshorten tënde?”, reperi Gjiko nuk doli fare nga vetja dhe iu përgjigj: “I motherfucking yes”.
Ndërsa ishte moderatori Labinot Gashi, ai që kordinonte të ftuarit në mënyrë perfekte dhe njoftoi për fishezjarret dhe vallëzimin e shumëpritur si burrë dhe grua.
E mendoni se zgjodhën një këngë romantike? Hmm, gaboni rëndë. Hidhini një sy videos më poshtë!
Ata kërcyen me këngën e Gjikos me titull “Si Bugatti”.
