Prokuroria e Krimeve të Rënda do të kërkojë sot 12 vite burg për ish-ministrin e Brendshëm Saimir Tahiri.
Procesi kundër Tahirit me akuzat që ka qenë pjesë e bandës Habilaj, ka nisur prej mëngjesit.
Ndaj tij rëndojnë tre akuza por për efekt gjykimi të shkurtuar të pranuar tashmë nga gjykata, kërkesa do ulet 1/3, pra shkon në 8 vite burg.
Tahiri akuzohet për “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal” në kuadër të dosjes ‘Habilaj’.
Seanca për dhënien e pretencës po vijon prej orës 09:00, ku ish-ministri është i pranishëm së bashku me avokatin e tij, Maks Haxhia.
