Dhjetra qytetar të Bulqizës janë paraqitur këtë të dielë për të marrë mjekim në urgjencën e spitalit të këtij qyteti me simptoma helmimi.
Burime pranë spitalit bashkiak Bulqizë bëjnë me dije se të paraqiturit janë të moshave të ndryshme ndërsa dyshimet e para janë të një helmimi nga uji.
Një tjetër dyshim lidhet me faktin që këta qytetarë mund të kenë qenë në gëzime familjare dhe nga produktet e konsumuara janë helmuar.
Policia nën drejtimin edhe të prokurorit të gatshëm të Prokurorisë së Shkallës së Parë të Juridiksionit të Përgjithshëm Dibër ka nisur hetimet për të zbuluar shkaqet e helmimit të qytetarëve.
