“Mi dhe flakë mallit tim” ishte kënga me ritme popullore që bëri bashkë këngëtarin Bujar Qamili dhe Luana Vjollcën. Këngët hit ndër vite e këngëtarit shkodran, u risoll në versionin remix së bashku me Luanën dhe u prit mirë nga fansat dhe rregjistron 7 milionë klikime në “Youtube”.
Mirëpo ky bashkëpunim ka vënë në rrezik edhe martesën e këngëtarit shkodran, pasi e shoqja paska shfaqur shenja xhelozie. Në një intervistë në emisionin “Rudina” në televizionin “Klan”, Bujar Qamili tregon se disa ditë pas publikimit të “Mi dhe flakë mallit tim”, bashkëshortja e tij ndryshoi sjelljen kundrejt tij.
“Djali, duke qenë se është muzikant, e pëlqeu dhe e vlerësoi jashtë mase, ndërsa gruaja, në fillim pati pak problem, problem me veten, në fakt… Ishte pak xheloze dhe thoshte: mos duhet të kishit dalë pak më ndryshe, mos veshja e saj ndoshta duhet të ishte ndryshe, mos të afroheshit kaq shumë e të tjera si këto. Tani ka ndërruar mendim, madje sa herë që e dëgjon, e pëlqen shumë.”, – rrëfeu Bujar Qamili.
Luana dukej rrëzëllitëse në klip, e veshur me një “crop top” ngjyrë të verdhë dhe një fund të gjatë në ngjyrë jeshile, ku sigurisht ekspozohen këmbët e saj të gjata.
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
