Bruno Mars e ka lënë mënjanë “krenarinë” dhe po i kërkon “Grammy Awards” t’i japë një mundësi grupit të tij për të performuar!
Këngëtari po bën kërkesë që grupi i tij, Silk Sonic, të bëhet pjesë në minutën e fundit shtesë në formacionin e këtij viti në Grammys.
Këngëtari i “24K Magic” njoftoi në fillim të këtij muaji se ai dhe Anderson .Paak janë bashkuar në një projekt të quajtur Silk Sonic.
Projekti i tyre debutues, “Leave the Door Open”,do të shfaqet në albumin e ardhshëm bashkëpunues të dyshes, lansohet premierë të premten.
Pasi Akademia e Regjistrimit publikoi listën e muzikantëve të vendosur për të performuar në shfaqjen e ardhshme të çmimeve, me emra përfshirë Taylor Swift, Billie Eilish, Megan Thee Stallion dhe John Mayer, Mars përmes Twitter iu kërkuar atyre që të bënin një ndryshim në listë.
“Të nderuar Grammy, Nëse mund t’i lejoni dy muzikantë të interpretojnë në shfaqjen tuaj, ne me të vërtetë do ta vlerësonim atë,” shkroi ai në një letër të hapur të shpërndarë në Twitter të dielën.
“Sapo kemi publikuar një këngë dhe mund ta përdorim me të vërtetë promovimin tani”, shkruan ndër të tjera ai.
Ylli 35-vjeçar u zotua se Silk Sonic do të ndiqte të gjitha protokollet e sigurisë dhe madje bëri shaka se ata janë të gatshëm të bëjnë audicion.
Ai shtoi se dyshja “nuk kanë qenë në gjendje të performojnë për një kohë” dhe “thjesht duan të këndojnë”.
Mars siguroi organizatorët se ata do të merrnin “aq teste të COVID-it sa të na duhen”.
“Unë premtoj se nuk do të jemi ekstra. Ne thjesht duam një koncert përsëri. Shpresoj se do ta shqyrtoni këtë kërkesë dhe do të na jepni mundësinë për të shkëlqyer. Me dashuri, Silk Sonic”, përfundoi ai.
Lutja publike e Bruno Mars ka të ngjarë të habisë fansat. Albumi i tij i fundit, “24K Magic” i vitit 2016, i dha atij çmimin albumin e vitit, rekordin e vitit për titullin dhe këngën e vitit për “That’s What I Like” në Grammy 2018.
Çmimet e edicionit të 63-të të Grammy do të transmetohen drejtpërdrejt në CBS dhe Paramount + nga ora 8:00 pasdite të dielën.
#LetSilkSonicThrive @RecordingAcad pic.twitter.com/Ze5nuZQnvi
— Bruno Mars (@BrunoMars) March 7, 2021
