Luana Vjollca e ndau më në fund mendjen! Moderatorja e “Shiko Kush Luan” ka gjetur veten tek flokët bjonde dhe nuk nguroi t’i jepte fund brenda javës, eksperimentit të saj.
Duket se në episodin e rradhës të “Shiko Kush Luan”, moderatorja e ëmbël është rikthyer në origjinë dhe shkëlqen me flokët bjondë. Këtë ndryshim të saj e kanë zbuluar dy të ftuarat e rradhës të emisionit, Engjëllusha Salihu dhe Shyhrete Beluli të cilat pozojnë së bashku me Luanën.
Të shtunën e kaluar, Luana Vjollca zgjodhi të festonte “Halloween”, duke i lënë të gjithë me gojë hapur, teksa u shfaq me flokët brune në studio. Dhe jo vetëm që ia doli të tërhiqte vëmendjen e të gjithëve, por edhe dukej një yll!
Me shumë mundësi, do të na marrë malli shpejt për luaneshën brune dhe na vjen keq që zgjati kaq pak!
