Luana Vjollca u bë e njohur me pjesëmarrjen e saj së bashku me Marinën si velina të emisionit “Fiks Fare”. Marina ishte bionde ndërsa Luana ishte velina brune.
Nga dy motrat, Luana është ajo që ka eksperimentuar më shumë me ngjyrën e flokëve. Nga të zeza ajo i bëri flokët e kuqe. I shkonin, por moderatorja simpatike i mbajti vetëm një kohë të shkurtëR me këtë ngjyrë flokët. Pas të kuqes ajo vendosi të bëhet bionde dhe prej një periudhe të gjatë kohore na ishte mësuar syri ta shikonim në këtë format.
Por dje Luana na ka lënë të gjithëve me gojëhapur. Ajo postoi një video në “Instagram” ku shfaqet me flokë të gjatë me ngjyrë çokollatë. Reagimi i fansave ka qenë i menjëhershëm duke e komplimentuar për këtë ndryshim në pamjen e saj. Me thënë të drejtën me këtë ngjyrë flokësh ajo duket më natyrale dhe më e vogël në moshë.
