Britney Spears ka hapur një qendër për fëmijët e sëmurë me kancer në Las Vegas. Ylli botëror ka dhuruar një milionë dollarë në ndihmë të këtyre fëmijë.
Këngëtarja ka dhuruar paratë e fituara nga shitja e biletave për performancat e saja në “Planet Hollywood Resort & Casino”, në kuadër të koncerteve “Piece of Me”.
Të shtunën, 35-vjeçarja ka prerë shiritin në hapjen zyrtare të kësaj qendre mahnitëse.
“Jam shumë e entuziazmuar që ndodhem këtu për kampin e ri ‘NÇF’”, e ka nisur Britney fjalimin e saj para të pranishmëve.
“Kemi nisur me grumbullimin e parave në vitin 2014 dhe kemi grumbulluar një milion dollarë për këtë qendër mahnitëse për t’i mbështetur fëmijët dhe familjet ngado që janë. I falënderoj të gjithë për zemërgjerësinë për ta bërë këtë realitet dhe që e bënë të mundur të ndodhte”, ka deklaruar këngëtarja.
Shefi ekzekutiv i NÇF, Jeff Gordon, e ka falënderuar Britney për angazhimin që projekti të finalizohej.
“E kemi parë anën e Britney Spears, të cilën nuk e kanë mundësinë ta shohin shumë njerëz. Në raste të këtilla e kupton sa e veçantë është Britney.”: tha Jeff Gordon.
