Britney Spears ka thyer heshtjen për herë të parë pasi doli nga psikiatria, duke thënë se “gjithçka është mirë” dhe se do të kthehet në qendër të vëmendjes së shpejti.
37-vjeçarja hyri në Instagram të martën dhe publikoi një video përmes së cilës i përditësoi fansat e saj me të rejat nga jeta personale.
“Familja ime ka kaluar shumë stres dhe ankth kohët e fundit, kështu që unë kam nevojë për kohë për ta përballuar. Por mos u shqetësoni se do të kthehem shumë shpejt”, tha këngëtarja fituese e çmimit “Grammy”.
“Doja t’ju përshëndesja sepse gjërat që po thuhen kanë dalë jashtë kontrollit! Wow !!! Ka thashetheme, kërcënime me vdekje për familjen time dhe ekipin tim, dhe shumë gjëra të çmendura janë thënë”
Këngëtarja e cila është nënë e dy djemve, u bëri thirrje fansave që të mos besojnë çdo gjë që thuhet për të, veçanërisht postimet e ish-menaxherit të saj.
Ky i fundit sipas këngëtares ka bërë disa email-e ku pretendon se Britney po kontrollohet nga persona të tjerë kundër vullnetit të saj.
Por, Britney Spears, e cila vuante prej pak kohësh nga shqetësime të rënda emocionale, ka mohuar gjithçka.
Këngëtarja 37-vjeçare ishte e shqetësuar për përkeqësimin e shëndetit të të atit Jamie Spears, i cili iu nënshtrua një operacioni të menjëhershëm në janar, pasi pësoi një çarje në zorrën e trashë.
