Justin Timberlake dhe Britney Spears ishte çift më i famshëm në botë para se të ndaheshin në vitin 2002, pas një lidhje 3-vjeçare.
Dhe 14 vjet pas ndarjes së tyre, fansat të cilët ende nuk kanë “pranuar” këtë fakt, mund të shohin një bashkim të ish-çiftit. E kemi fjalën për muzikën!
Gjatë premierës së dokumentarit të tij “Timberlake + the Kids Tennessee”, në TIFF të martën, aktori dhe këngëtari tha se “absolutisht” që do të bashkëpunojë me yllin e muzikës.
Me arritjen e tij, 35-vjeçari Jusitn ishte mjaft i gjallë, ndërsa bëri një video humoriste me regjisorin e filmit dhe me fansat.
Aktori u pyet nga E! në qoftë se ai do të bashkëpunonte me Britney-n, pasi iu qartësua se ajo kishte shprehur dëshirën për një projekt së bashku.
“Ajo e tha? Sigurisht! Absolutisht, absolutisht. Unë kam një fëmijë 17-muajsh, kështu që nuk dal shpesh në titujt e mediave. Kërkoj ndjesë që nuk e dija… Jam i disponueshëm, më telefono”, u përgjigj Justin.
Duket se ka kaluar vërtetë shumë kohë që nga “Cry Me a River”, kënga që përflitet se u realizua nga Justin si përgjigje për tradhtinë e Britney!
Burimi: Daily Mail
