Britney Spears ka vendosur që ta heqë zyrtarisht babain nga detyra si kujdestar i saj. Ditën e hënë, avokati i saj, Mathew Rosnegart, paraqiti një kërkesë në gjykatë për të hequr babain e saj si kujdestar dhe për ta zëvendësuar me Jason Rubin, një llogaritar i autorizuar në Certified Strategies Inc, për të menaxhuar pasurinë e saj, e cila vlen 58 milion dollarë.
“Znj. Spears parashtron me respekt se Gjykata duhet të emërojë të nominuarin e saj, është një preferncë inteligjente dhe objektive për të nominuar një person të kualifikuar, profesionalisht i besuar në këto rrethana. Për më tepër, znj. Spears pohon me respekt se duke pasur parasysh njohjen e Gjykatës në 14 korrik 2021, duke dëgjuar se znj. Spears ka kapacitet të mjaftueshëm për të zgjedhur avokatin e saj ligjor, ajo gjithashtu ka kapacitet të mjaftueshëm për të bërë këtë nominim”, thuhet në kerkësen e dërguar në gjykatë.
Takimi i radhës në gjykatë për Britney Spears është caktuar në datë 13 dhjetor.
Kjo është lëvizja e fundit në sagën e vazhdueshme të Britney Spears për kujdestarinë e saj 13-vjeçare. Britney u vendos nën kujdestari në vitin 2008,dhe një gjykatës emëroi Jamie Spears si kujdestar të saj dhe të pasurisë së këngëtares.
Në muajin qershor, Britney bëri një rrëfim tronditës dhe emocionues në gjykatë, ku tregoi se përse i ati nuk mund të jetë më kujdestari i saj.
