Brenda gardërobës së Armina Mevlanit! Blogerja ndan me ne 3 trendet që do të bëjnë namin këtë sezon

Pavarësisht se jemi në fund të tetorit dhe mesdita ngjason akoma me një drekë gushti për nga temperaturat, nuk janë të largëta ditët e freskëta me shi.
I gjithë ky ndryshim nënkupton vetëm diçka: një gardërobë të re të frymëzuar nga trendet më të fundit të vjeshtës.
Tani me siguri jeni duke menduar se çfarë do të vishni dhe si do të kombinoheni, megjithatë ne kemi menduar t’ju vijmë në ndihmë.

Nëse vërtet dëshironi të dukeni bukur këtë vjeshtë dhe të dini për trendet e fundit, “iconstyle.al” ka menduar një rubrikë të veçantë me këshilla që vajzat më me stil shqiptare do të japin për lexuesit tanë. Vajzat e famshme të Instagram-it do të na tregojnë trendet e vjeshtës duke sugjeruar 3 aksesorët apo veshjet “must” dhe si mund t’i kombinojmë ato.

Rubrikën do e nisim me këshillat e një prej influencuesve më të mëdha sa i përket stilit dhe modës në Shqipëri, Armina Mevlanin.
Ajo ka treguar për ne 3 trendet e saj të preferuar për këtë sezon dhe mënyrat si t’i kombinoni të ilustruar edhe me foto.

1-Pardesy-trench

Palltoja klasike që konsiederohet një domosdoshmëri në gardërobë, këtë vit vjen me një prekje moderne. Armina ka zgjedhur një version me dizenjo lulesh të mëdha, ndaj ndihuni të lira të eksperimentoni me printe të ndryshme.

2-Xhinset me prerje të drejtë

Ashtu siç pritej edhe këtë vit xhinset skinny do t’i harroni në një cep të humbur të dollapit, sepse xhinset me prerje të drejtë jo vetëm që janë stili më “in” i sezonit, por as nuk kanë ndërmend të dalin nga moda.

3-Xhaketa oversize

Nëse jeni në kërkim të një xhakete të shkurtër lëkure të zezë (më lini ta gjej, si ajo që vishni çdo vit?), bëni mirë të rimendoni zgjedhjen tuaj, pasi siç na tregon dhe Armina Mevlani, këtë vjeshtë nuk ka asgjë më sexy sesa një xhaketë e gjatë lëkure e zezë, për një look retro, joshës dhe kaaaq misterioz.

- Advertisement -