Viktoria Beckham festoi ditën e djeshme ditëlindjen e saj të 45 në Los Angeles. Ikona e modës ndau herë pas here momente nga dita e saj në Instagram, sidomos darkën që shijonte nën shoqërinë e bashkëshortit David dhe fëmijëve të saj. Ajo që ra në sy ishte edhe prania e të dashurës së djalit të madh të Victorias, Hana Cross.
Por çfarë ndodhi ekzaktësisht tek ditëlindja e Victoria Beckham?
Dita nisi herët për Viktorian pasi fëmijët e saj e çuan që në orën 6 të mëngjesit për të shijuar disa donuts.
Si dhurata nuk mund të mungonin lulet, por ajo që ja tërhoqi vëmendjen ishte një kukull e personalizuar nga vajza e saj e vogël Harper.
“Faleminderit për të gjitha mesazhet tuaja. Ishte një ditë fantastike”, shprehet Victoria.
Qejfi nuk mbaron këtu pasi bashkëshorti i Victorias, David Beckham ndan një video me publikun, ku fëmijët i këndojnë mamasë së tyre në kor, këngën tipike të ditëlindjes.
Ja si e uron 43 vjeçari David: “Gëzuar ditëlindjen mami Viktoria. Paç ditën më të bukur sepse ti meriton të llastohesh nga Brooklyn, Romeo, Cruz, Harper dhe nga mua sigurisht”.
Në vend të një tortë të madhe, fëmijët kishin zgjedhur një donuts me një qiri në mes.
Kapakun do ia vinte darka në një restorant italian ku bashkohet e gjithë familja. Duken më të bukur se kurrë apo jo?
Burimi: Daily Mail
