Brad Pitt udhëtoi për në Mexico City për premierën e filmit të tij të ri “F1″, ku foli për kalimin e kohës dhe atë që ajo i ka mësuar personalisht.” Çfarëdo gabimi që të bësh, thjesht mëson prej tij dhe ecën përpara. Do të të çojë drejt suksesit të radhës”, tha aktori 61-vjeçar për Entertainment Tonight.
Ai shtoi: “Kur arrin në moshën time, e kupton vërtet sa e rëndësishme është të jesh i rrethuar nga njerëz që i do dhe që të duan.” Në këtë fazë të jetës së tij, ai përqendrohet te miqtë dhe familja e tij dhe “kaq. Është një ekuacion mjaft i thjeshtë ”, përfundoi ai (supozojmë se te miqtë dhe familja ai llogarit edhe partneren e tij, Ines de Ramon).
Në filmin “F1”, një pilot i pensionuar i Formula 1 kthehet në sport për të stërvitur një pilot më të ri. Brad Pitt luan bashkë me Javier Bardem dhe Kerry Condon, me regji nga Joseph Kosinski, i cili shkroi edhe skenarin me Ehren Kruger.
Kur një gazetar e pyeti nëse përvoja e këtij filmi e tundoi të mendonte vërtet për veten në vendin e shoferit, ai u përgjigj: “Nëse do të isha pak më i ri, do ta bëja atë kthesë. Mendoj se po. Është madhështore , një ndjenjë që nuk e kam pasur kurrë më parë. Ndjen fuqinë, ndjen mënyrën se si këto makina mund të qëndrojnë në rrugë ndërsa marrin një kthesë me shpejtësi, është mahnitëse.”
Shikoni videon:
View this post on Instagram
