Chermen Valiev, mundësi që përfaqëson Shqipërinë ia doli që të shkojë në finalen e peshës 74 kg të stilit të lirë, në Botërorin e Mundjes që mbahet në Kroaci.
Në gjysmëfinale, Valiev mposhti Sidakov me shifrat 6-4, në një përballje që ashtu siç pritej rezultoi mjaft e luftuar.
Në çerekfinale, asgjë nuk ishte e lehtë ndaj amerikanit Devid Aron, por gjithsesi u arrit suksesi 7-5. Tani sytë janë ditën e nesërme, me mundësin me pasaportë shqiptare që synon medaljen e artë. Por edhe sikur të mposhtet, ka të siguruar medaljen e argjendtë. Mundësi kuqezi tashmë ka siguruar minimalisht medaljen e argjendtë, por objektivi i tij është i qartë për medaljen e artë. Finalja e madhe zhvillohet të hënën dhe do të jetë një test i fundit për kampionin ruso-shqiptar që në Olimpiadën ‘Paris 2024’ i dha të bronztën vendit tonë.
Chermen Akhsarbekovich Valiev ka lindur më 10 dhjetor 1998 në Osetinë e Veriut në Rusi dhe aktualisht është një mundës i stilit të lirë që garon në 74 kilogramë për Shqipërinë. Për vendlindjen e tij, Rusinë, Valiev ka fituar një titull kampion bote dhe një Evropian për U23, një kampion kombëtar rus dhe është fitues i shumëfishtë medaljeve të arit në turnetë ndërkombëtare.
Që nga transferimi në Shqipëri në vitin 2024, Valiev u kualifikua për të përfaqësuar Shqipërinë në Lojërat Olimpike Verore 2024 në Paris duke u renditur i treti në Turneun Olimpik Botëror të Kualifikimit.
