Zgjati vetëm 10 muaj ajo që duhej të ishte një nga lidhjet më të forta të dashurisë në showbiz. Ajo u krijua pas një ndarje të dhimbshme, të cilën Bella Hadid e vuajti më shumë se The Weeknd.
Por tashmë që mori fund gjithçka mes The Weeknd dhe Selenës, Bella Hadid ka të drejtën e gjithë botës të reagojë për këtë lidhje, që nisi me ndarjen e saj nga këngëtari.
Modela është fotografuar mjaft e lumtur teksa në media jepej lajmi për ndarjen e çiftit. Bella gjithashtu ka postuar një foto në Instagram ku shfaqet e qeshur teksa mban një tufë me trëndafila në duar dhe shkruan:
“Një moment perfekt. Më në fund e përqendruar dhe e lumtur”, shkruante Bella ndërsa më pas, pjesën e dytë të përshkrimit e ka fshirë.
Bella Hadid ndodhet në Itali me miken e saj, Modelja është fotografuar në Romë teksa dukej tepër e lumtur që po shijonte akullore dhe verë. E ku ka më mirë!
